වෙලේ සුදා නිදොස් කොට නිදහස් කරයි ?

 

කුප‍්‍රකට මත්කුඩු ජාවාරම්කරුවෙකු වන ගම්පොල විදානගේ සමන්ත කුමාර නොහොත් වෙලේ සුදා නමැත්තා මත්කුඩු නඩුවකින් අද (28) නිදොස් කොට නිදහස් කෙරුණා. 2000 වර්ෂයේදී හෙරොයින් ග‍්‍රෑම් 6.07 ක් ළග තබාගෙන ජාවාරම් කිරීමේ චෝදනාව මතයි ඔහුට එරෙහිව කොළඹ මහාධිකරණය හමුවේ එම නඩුව පවරා තිබුණේ.

කොළඹ මහාධිකරණ විනිසුරු විකුම් කළුආරච්චි ඉදිරියේ නඩුවට අදාළ සාක්‍ෂි විභාගය සිදු කෙරුණා. එහිදී නඩුවේ ඉදිරිපත් වී ඇති සාක්‍ෂි සලකා බලා වෙලේ සුදා නමැත්තා නිදොස් කොට නිදහස් කිරීමටයි අද තීරණය කෙරුණේ.

ගල්කිස්ස ප‍්‍රදේශයේදී මෙම විත්තිකරු සන්තකයේ තිබී සොයාගත් හෙරොයින් ප‍්‍රමාණයට වඩා රස පරීක්‍ෂකවරයා වෙත යවා ඇති හෙරොයින් ප‍්‍රමාණය  වැඩි බවට අධිකරණයේදී අනාවරණ කිරීමට විත්ති පාර්ශවයට හැකි වී තිබෙනවා.

කෙසේවෙතත් තවත් නඩුවකට වෙලේ සුදා මේ වනවිට මරණ දඩුවමට නියම වී සිටිනවා. එම නඩුවම එලෙසම කි‍්‍රයාත්මක වනවා.