බ්‍රක්මණ කුලයේ ඉපදී ඉස්ලාම් ආගම් චාරිත්‍ර අනුව අවසන් ගමන් ගිය ලොව පිනවූ ශ්‍රී දේවිගේ ජීවිත කතා මෙන්න (VIDEO)

දකුණු ඉන්දිය සිනමාවේ සිහින රැජින ලෙස වැජඹෙමින් සිනමාවට පිවිස ඉන් අනතුරු බොලිවුඩ සිනමාවේද සිහන රැජින වූ ශ්‍රී දේවිගේ අවසන් කටයුතු ඉස්ලාම් ආගම් චාරිත්‍ර අනුව සිදුකිරිමට නියමිතයි. ඒ ඉස්ලාම් ආගමික සම්ප්‍රදායට අනුවයි. ඉස්ලාම් ආගමට අදාළ මුලිඛ චාරිත්‍ර අද (25) පෙරවරුවේ ඩුබාහිදී සිදුකර ඇති අතර ඇයගේ  දේහය අද රාත්‍රී 8.00 විශේෂ ජෙට් යානයකින් ඉන්දියාවට ගෙන ඒමට නියමිත බවයි ඉන්දීය මාධ්‍ය වාර්තා කළේ.

දකුණේ ප්‍රසිද්ධිය සමග උතුරට ගොස් එම ප්‍රසිද්ධිය අදටත් රඳවා ගත් එකම සිනමා තාරකාව ලෙස ශ්‍රී දේවි හැඳින්විය හැකි බවයි ඇගේ පළමු දමිළ චිත්‍රපට අධ්‍යක්ෂ කේ.භාරතිරාජා පවසන්නේ. ඇගේ වියෝවය ඉන්දීය සිනමාවට විශාල පාඩුවක් බවයි සිය ශෝකය පල කරමින් ඔහු පවසා ඇත්තේ. කෙසේ වෙතත් ඇයගේ අභාවය වෙනුවෙන් ඉන්දීය අග්‍රාමාත්‍ය නරේන්ද්‍ර මෝදී සහ ඉන්දිය ජනාධිපති රාම්නාත් ගෝවින්ද් සිය ශෝකය පල කර තිබෙනවා.

සිය ට්වීටරය මගින් අග්‍රාමාත්‍ය නරේන්ද්‍ර මෝදී පවසා ඇත්තේ ඉන්දිය සිනමාවේ ශ්‍රේෂ්ඨ නිළියක් වන ශ්‍රී දේවි සිය සිනමා ඉතිහාසයේ චරිත රැසකට පණ පොවා රංගනයෙන් දායක වී ඇති බවයි. ඇයගේ අභාවය සම්බන්ධයෙන් තමා ශෝකය පල කරන බවද ඔහු පවසා තිබෙනවා.

ඉන්දිය ජනාධිපති රාම්නාත් ගෝවින්ද් පවසන්නේ ශ්‍රී දේවිගේ අභාවය ඇසු සැණින් තමා අතිශයෙන් කම්පනයට පත්වූ බවයි. දමිළ සිනමාවේ සුපිරි නළුවන් වන රැජිනි කාන්ත් සහ කමල් හසන් ද ශ්‍රී දේවිගේ අභාවය වෙනුවෙන් ශෝකය පල කර තිබෙනවා. එමෙන්ම බොලිවුඩ් සිනමාවේ සුපිරි නළුවන් වන අමිතාප් බච්චන් සහ ශාරුක් ඛාන් ද ශ්‍රීදේවිගේ අභාවය වෙනුවෙන් ශෝකය පල කර ඇති අතර ඇයගේ පළමු විවාහක ස්වාමීයා වූ මිතුන්චක්‍රබෝර්ති ද අතිශයෙන් කණගාටු වන බව පවසා තිබෙනවා.

අභාවප්‍රාප්ත වන විට 54 වන වියේ පසුවු ඇය 1963 වසරේ ආගොස්තු මස 13 වන දින උපත ලැබුවේ තමිල්නාඩුවේ මදුරාසියේ (චෙනායිහි) ශිවකාසි නම් ගම්මානයේ වූ බ්‍රහක්මණ කුලයට අයත් පවුලකයි.

1967 වර්ෂයේ දී ඇය ළමා නිළියක් වශයෙන් සිය රංගන දිවිය අරඹන්නේ සිව්වැනි වියේ දීයි. ඒ “තුනෛවන්” නම් දමිළ චිත්‍රපටයෙන්. ඉන්පසු ඇය දමිළ ආගමික චිත්‍රපට රැසක ඇය රංගනයෙක් දායක වූ අතර එහිදී ඇය කතරගම දෙවිඳුන්ගේ චාරිතය නිරුපනය කළා.

1976 වසරේ දී “මූන්ඩෘ මුඩිච්චි” යන දමිළ චිත්‍රපටයෙන් ඇය ප්‍රධාන නිළිය ලෙස රංගනයෙන් දාය වූ අතර 1977 වසරේ කේ.භාරතිරාජාගේ තවත් දමිළ චිත්‍රපටයක් වූ “පදිනාරු වයදිනිලේ” (16 වන වියේ ) හිද ප්‍රධාන නිළිය ලෙස රඟපෑවා. එම චිත්‍රපටය ඇයව දමිළ සිනමාවේ උච්චතම ස්ථානයට ගෙන ගිය අතර දමිළ සිනමාවේ ප්‍රධාන නළුවන් වන සිවාජි ගනේෂන්, රැජිනි කාන්ත්, කමල් හසන් වැනි අය සමග සිය රංගනයෙන් දායකත්වය ලබාදී තිබෙනවා.

තෙළිඟු, මලයාලම් චිත්‍රපටවල ද රඟපෑ ශ්‍රී දේවි 1975 වසරේ දී ජුලි නම් හින්දි චිත්‍රපටයෙන් ළමා චරිතයක් නිරුපනය කළ අතර ඉන් අනතුරුව ඇයව දමිළ සිනමාවේ ඉහළට ඔසවා තැබු “පදිනාරු වයදිනිලේ” (16 වන වියේ ) නම් චිත්‍රපටය හින්දි චිත්‍රපටය “සෝල්වා සාවන් ” නමින් හින්දියෙන් නිෂ්පාදනය කෙරුණා. එහි ප්‍රධාන චරිතය නිරුපනය කළේ ද ඇයයි. එහිදී ඇය හින්දි රසිකයන් අතර විශාල ප්‍රසිද්ධියක් ලබාගත්තා.

ඇයගේ මුල්කාලේ අවසන් දමිළ චිත්‍රපටය වන “මූන්රාමි පිරයි”  “සත්මා” නමින්  හින්දි බසින් නිෂ්පාදනය වූ අතර එහි ප්‍රධාන චරිතය රඟපෑ ශ්‍රී දේවි දමිළ සිනමාවට සමුදී හින්දි සිනමාව සඳහා සිය දායකත්වය ලබාදුන්නා. එහිදී ඇය විවිධ බාධක හමුවේ සිය ප්‍රසිද්ධි රඳවා ගත් අතර හින්දි සිනමාවේ චිතපට 300ට පමණ දායකත්වය ලබාදුන්නා.

අනතුරුව හින්දි සිනමාවේ ප්‍රවීණ නළුවෙකු වූ මිතුන් චක්‍රෙබෝර්ති සමග ඇති වූ පෙම ඇය අවසන් කළේ කාටත් හොරා සිදුකර ගත් විවාහකයෙන්. පසුව ඔහුගෙන් වෙන් වූ ශ්‍රී දේවි විරාමයකින් පසු නැවත  “වේදම්” නම් දමිළ චිත්‍රපටයෙන් දකුණු ඉන්දිය සිනමාවට සම්බන්ධ වුණා. ඉන්පසු ඇය 1996 වසරේ දී ප්‍රවීන හින්දි නළු අනිල් කපුර්ගේ සොහොයුරා වූ බෝනි කපූර් සමග විවාහක වුයේ බෝනි කපූර්ගේ පළමු විවාහක බිරිඳට විශාල වන්දියක් ද ලබාදෙමින්.

මිස්ටර් ඉන්දියා, චාල් බාස්, චාන්ද්නි, නගීනා ඈය රඟපෑ ජනප‍්‍රිය චිත‍්‍රපට කිහිපයක්. 2013 වසරේදී ඉන්දීය රජය විසින් පිරිනමන පද්මශ‍්‍රී සම්මානයෙන් පිදුම් ලැබීමට ද ශ‍්‍රීදේවි කපූර් සමත් වුණා. ඉන්පසු ඇය රංගනයට සමුදී කාලක් කටයුතු කළ අතර එම අවස්ථාවේ දී සිය සැමියා සමග එක්ව චිත්‍රපට අධ්‍යක්ෂනය ද කළා. ඉන්පසු බොනී කපූර්ට සිනමාවේ ඇති වූ විශාල පාඩුව ශ්‍රී දේවිව යළි රංගන දිවියට රැගෙන ආවා.

ඒ වසර 14 ක විරාමයකින් පසු “ ඉංග්ලිෂ් විංග්ලිෂ් “ හින්දි චිත්‍රපටයෙන්. එම චිත්‍රපටද තරමක් ජනතාව අතර කතා බහට ලක්වුවද සිතු තරමි ඉහළ ආදායමක් ලබා ගැනීමට බෝනී කපූර්ට නොහැකි වුණා. ඉන්පසු සිය සැමියාගේ ආදායම් මාර්ගය ඔසා තැබීමට තීරණය කළ ශ්‍රී දේවි 2016 වසරේ දී යළි දමිළ චිත්‍රපටයක් සඳහා සිය දායකත්වය ලබාදුන්නා. ඒ දමිළ සිනමාවේ සුපිරි යොවුන් තරුවක් වන විජයි සමගින් “වේදාලම්” නම් චිත්‍රපටයෙන්. විශාල ආදායමක් වාර්තා කළ එම චිත්‍රපටය සදහා ඇයට ඉන්දිය කෝටි 30ක් වැටුප් වශයෙන් ගෙවනු ලැබුවා.

ඉන්පසු දමිළ රූපවාහිනි දැන්වීම් ඇතුළු අංශ රැසක යළි පෙරලියක් ඇති කළ ශ්‍රී දේවි ශ්‍රී ලංකාව හා ඉන්දියාව ඒකාබද්ධ නිෂ්පාදනයක් වූ “ෆයිලට් ප්‍රේම්නාත් “ චිත්‍රපටයෙන් ශ්‍රී ලංකාවේ නිළි රැජින මාලනී ෆොන්සේකා සමගින් සිය රංගන දායකත්වය ලබාදී තිබීම ද විශේෂිතයි. ඇය දෙදරු මවක් ද වනවා.

ඩුබායිහිදී පැවති මංගල උත්සවයකට සහභාගී වෙමින් සිටියදී හදිසි හෘදයාබාධයක් හේතුවෙන් ඊයේ  (24) රාත්‍රීයේ සිය 54 වන වියේ දී ජීවිත ගමන නම් රඟමඩලෙන් සමුගත් ලොව පිනවූ ශ්‍රී දේවි කපූර් මෑතකදී ශ්‍රී ලංකාවේ ද සංචාරයක නිතර වුණා.