මියගිය නිළි ශ්‍රී දේවි වෙනුවෙන් සුපිරි තරු කඳුළු සැලූ හැටි මෙන්න!! (PHOTOS)

බොලිවුඩයේ පළමු සිනමා නිළිය ලෙසට සැලකෙන සුපිරි තාරකාවක් වූ ශ්‍රී දේවී හදිසි හෘදයාබාධයක් හේතුවෙන් ඊයේ (24) ජීවිතක්ෂයට පත් වුණා.

විදෙස් පුවත් සේවා සඳහන් කළේ ඩුබායි රාජ්‍යයේ මංගල උත්සවයකට සහභාගී වීමට ගොස් සිටියදී ඇය මෙලෙස ජීවිතක්ෂයට පත්ව ඇති බවයි.

වයස අවුරුදු 04 දී චිත්‍රපට ක්ෂේත්‍රයට පිවිසි ශ්‍රී දේවී දෙමළ, තෙලිඟු, මලයාලම් මෙන්ම හින්දි චිත්‍රපටවලට රංගනයෙන් දායක වී තිබෙනවා.

මියයන විට ඇයගේ වයස අවුරුදු 54 ක්.

නලුවෙකුගේ සහයෝගයකින් තොරව ඉන්දීය සිනමාවේ බොක්ස් ඔෆිස් වාර්තා බිඳ හෙලීමට හැකියාවක් ලැබුනු බොලිවුඩ් තාරකාවන් කිහිපදෙනා අතරින් අයෙක් ලෙසට ද ශ්‍රී දේවී සැලකෙනවා.

ශ්‍රී දේවිගේ හදිසි අභාවය ගැන දැනගත් වහාම ඉන්දීය සිනමා රසිකයන් මුම්බායි හි පිහිටි ඇගේ නිවස වෙත රොක්වෙමින් සිටින බව වාර්තාවනවා.

මේ අතර ශ්‍රී දේවිගේ අභාවය පිළිබඳව ඉන්දීය ජනාධිපතිවරයා සහ අග්‍රාමාත්‍යවරයා ට්විටර් ගිණුම්වල සිය කණගාටුව පළකර තිබුණා.

ශ්‍රී දේවීගේ මෙම හදිසි අභාවය සම්බන්ධයෙන් ශෝකයට පත් වූ  සුපිරි බොලිවුඩ් තරු සහ ඉන්දීය ක්‍රිකට් ක්‍රීඩකයින් ශෝකය පළකර තිබුනේ සිය පෞද්ගලික ට්විටර් ගිණුම්වල සංවේදී සටහන් පළකරමින්.