විමලරතන හිමියන්ගේ දේහයට ගෞරව දැක්වීමට හැඩු කඳුලෙන් විශාල ජන ගඟක් – Video

 

ඇත් පැටවාට ආහාර ලබාදීමට ගිය අවස්ථාවේදී අනතුර ලක්ව කළුබෝවිල ශීක්ෂණ රෝහල වෙත ඇතුළත් කර සිට අපවත් වී වදාළ බෙල්ලන්විල රජමහා විහාරාධිකාරී මහාචාර්ය, පූජ්‍ය බෙල්ලන්විල විමලරතන හිමියන්ගේ ශ්‍රී දේහය ඊයේ (03) රාත්‍රියේ බෙල්ලන්විල රජමහා විහාරය වෙත රැගෙන එනු ලැබුවා.

පෙබරවාරි 08 වැනිදා පස්වරු 3 ට පූජ්‍ය බෙල්ලන්විල විමලරතන හිමියන්ගේ ආදාහන පූජෝත්සවය ශ්‍රී ජයවර්ධනපුර විශ්වවිද්‍යාලයීය ක්‍රීඩාංගනයේදී සිදුකිරීමට නියමිතයි.

පූජ්‍ය බෙල්ලන්විල විමලරතන හිමියන්ගේ ශ්‍රී දේහයට අවසන් ගෞරව දැක්වීමට විශාල පිරිසක් පැමිණෙමින් සිටින බවයි අප වාර්තාකරු සඳහන් කළේ.

මේ අතර අපවත් වී වදාළ බෙල්ලන්විල රජමහා විහාරාධිකාරී මහාචාර්ය, පූජ්‍ය බෙල්ලන්විල විමලරතන හිමියන්ගේ ආදාහන කටයුතු රාජ්‍ය අනුග්‍රහය යටතේ පැවැත්වීමට කටයුතු යොදා තිබෙනවා.

ඊයේ රැස්වූ ආදාහන පූජෝත්සව කමිටුවේ දී අදාළ තීරණය ගත් බවයි ජනාධිපති ලේකම් කාර්යාලය සඳහන් කළේ.